تشك بحبي لك 


تشك بحبي لك وأنا اللي حبـــــــي لك بلا مقياس

تشك فيني وأنا اللي حـــــــالف بدنياي ما أخونك 

غريبه حالة الدنيا غريبة لعبة الإحســــــــــــــاس 

كثر ما تصـــــون لهم عهدك كثر ما هم يخونونك

أنا يالغالي شــــارب من إحساسك وعطفك كاس 

أنا أذكرك دايم يــــــــــــــــــوم كل الناس ينسونك 

أنا كلي محبه من طــــــــــرف رجلي ألين الرأس 

أنا وإن كنت ما تـدري يقــــــولون عني مجنونك 

أنا ما عندي مـــانع بس على شانك أخاوي اليأس 

أنا اللي لو تناديني بأعلى صــــــــوت أقول عونك 

خلاص إصحى من أحلامك وإنسي الهم والأوهام 

وغير كل نظــــــــــــراتك وكذب أغلب ظنونك

بقـــول لك شي أسمع زين وخل عنك الوسواس 

يا أطهر من مشى ع الأرض أنا ما أعيش أبد دونك 

وحق الله أحبك مـــــوت وأشوفك في عيون الناس 

وحتى في بعض الأوقـــــات أشوف الناس بعيونك